Mga labing menos 44 ka Badjao ang direktang makabenepisyo sa Tulong Panghanapbuhay sa Ating Disadvantaged/Displaced Worker (TUPAD) Program sa Department of Labor and Employment (DOLE), nga suportado sa lokal nga kagamhanan sa Surigao City.
Niadtong Huwebes, ang mga Badjao nagsugod sa ilang 20-ka adlaw nga skills training sa carpentry ug masonry human makadawat ug usa ka adlaw nga TUPAD orientation nga gipasiugdahan sa DOLE-Surigao del Norte ug Surigao City LGU.
Human sa training, ang mga benepisyaryo magtrabaho sulod sa 15 ka adlaw sa nagpadayong Huy-anan nan Badjao Project (Home for the Badjao Project) sa Sitio Panubigon, Barangay Sabang.
Si Dahila Araman, lider sa mga Sama-Badjao sa Surigao City, nag-ila sa tabang nga gihatag sa lokal nga kagamhanan ug DOLE pinaagi sa TUPAD program.