Ace Barbers kan Bingo: Mag Gobernador sa Kaw Adeser Kaw Motabang sa District 2!

Surigao City, Philippines – Waya matago ni Surigao del Norte District 2 Representative Ace Barbers na bag-o pa gajud nakauli gikan sa ija bakasyon sa America an ija kaalingit o kalagot tungod sa mga proyekto sanan tabang na taghatag nan District 1 Representative na si Bingo Matugas sa mga taga mainland na sakop sa Distrito ni Ace Barbers.

Sa laong pa ni Cong. Ace Barbers sa ija statement na dapat mobalik si Cong. Bingo sa ija Distrito ug didto ra sija motabang sa Distrito 2 kung ma-Gobernador na sija.

“You can work in District 2 when you become governor. For now, only the governor and the District 2 Representative have business working in District 2.”

Murag dili karajaw positibo an nahimong reaksyon nan mga Surigaonon sa ini.

Laong pa nan isa ka nagkomento sa post ni Gov. Barbers, hamok an dapat na trabahuon, uman kinahanglan paman pugngan an iban na gusto motabang sa taga mainland?

Laong sab an isa ka nagcomment, an pagtabang wayay utlanan.

Suko isab an isa ka netizen na nagcomment. Sa ija pa laong, majaw pa daw an mga Matugas jaoy nahitabang sa ila. An mga Barbers daw waya bisan isa ka sentimo, way nahitabang sa ila.