Barangay Development Forum nan Heneral Luna, Malampuson!

Taghimo an duha ka adlaw na Barangay Development Forum nan Munisipyo sa Heneral Luna na nagdaya sa temang “De kalidad Serbisyo Barangayanon: Yawe sa Kalambuan” sa pagpanguna mismo ni Mayor Sol F. Matugas kaiban ni Vice Mayor Minmin Rusillon – Sajulga. Kompleto an tanan mga Kapitanes kaiban an tanan barangay opisyales sa 19 ka mga barangay nan Heneral Luna diin ini tagpahigayon sa Gateway Hotel sa adlawng hwebes hangtod byernes November 10-11, 2022.

Sa amo na pagbansay-bansay nahimong mamumulong si Mr. Isidro Biol Jr. nan DepEd Caraga para na sa pagmugna sa School and Community Partnership program diin taghatagan niini an pagtagad an pagtambayayong nan eskwelahan sanan nan lokal na panggamhanan ilabina sa barangay.

Samtang sa amo na higayon gilusad isab an “Mayor Sol Bodega ng Bayan: Pagkaon sa Pamilya Program” alang na sa tanan mga taga Heneral Luna, diin an matag pamilya an magpakadawat nan regular na supply nan pagkaon gikan sa gobyerno pinaagi na isab sa buhatan sa Municipal DSWD.

Sa amu na programa gipahigayon isab an pagbansay-bansay sa paghimo nan plano o action plan sa matag barangay para na sa ila mga prayoridad na mga proyekto, programa sanan mga aktibidad para sa mga musunod na mga buyan sanan para sa tuig 2023 na paga pondohan mismo nan munisipyo nan Heneral Luna ubos sa administrasyon ni Mayor Sol Matugas.

Nahimong espesyal na bisita sila Cong. Bingo Matugas nan District 1 ug kanhi Gov. Francisco Matugas kon diin nag hatag ini nan dugang kalipay tungod sa mga gipanghatag nga paunang pinaskuhan sa matag isa nga didto sa programa.

Laing topiko isab na gipasabot sa tanan barangay amo na an Seal of Good Local Governance kon SGLG nan DILG Caraga sanan an Katarungang Pambarangay ni Director John Reyl Mosquito.