Cong. Matugas: "Salamat parte ako pagpasar sa 2023 Budget"

Bag-o nag-adjourn an session adtun Septembre 28, 2022, na-aprubahan sa 3rd and final reading nan House of Representatives an P5.268-Trillion “Agenda for Prosperity” 2023 National Budget.

Isip Vice-Chairperson nan Committee on Appropriations na amoy sponsor nan National budget sa House of Representatives, dako an pasalamat ni Congressman Bingo Matugas na nahimo sija na parte sa pagpasar nan pinaka-importante na balaudnon an National Budget, labi na sa pag-sponsor nan mga budgets nan DPWH, COMELEC, State Universities and Colleges, sanan Mindanao Development Authority. Ija sab tagduso an mga pondo para sa pagbangon nan Probinsya sa mga ahensya sama sa Dept of Health, Department of Tourism, Dept of Agriculture, DILG, DENR, DepEd, Phil. Sports Commission, DILG, Phil. Coast Guard, DOLE, DSWD sanan iban pa na national agencies.

Kuman sa pagbalik nan session, prayoridad nan Kongreso na mahipasa an balaud nan National Budget bag-o mag-Pasko. Prayoridad isab nan Bagtik Mo Serbisyo na Kongresista isip Chairman nan Special Committe on Land Use na mahipasa an isa sa prayoridad ni President BONGBONG MARCOS na National Land Use Policy. Kon mahinumduman sa Unang State of the Nation ni PBBM isa an Land Use Policy sa mga prayoridad na legislative agenda nan ija administrasyon.