DILG Naghatag Katin-awan sa Isyu ni Gov. Lalo: An Tanan Subay sa Balaod

Bag-ohay pa lamang nag-file nan kaso si Oscar Pospia Jr., an Chief of Staff ni Gov. Barbers batok kan former Gov. Lalo Matugas kini tungod kuno sa di sakto na paggamit nan pondo.

Sa laong pa nila, taggamit an Local Disaster Risk Reduction Management Fund (LDRRMF) para pampalit nan mga gamit para sa Department of Education, hinungdan nga kaiban sa gikasuhan sila si Nelia Lomocso an former Schools Division Superintendent nan Siargao; Ma. Teresa Real an former Schools Division Superintendent nan Surigao del Norte, sanan an iban na mga opisyal nan Department of Education.

Kung ato tan-awon pag-ayo, mismong ang Department of Interior and Local Government (DILG) kaiban an Department of Budget and Management (DBM) an nag-apruba sa maong allocation. Laong pa nan Joint Memorandum Circular No. 2013-1 nan DILG, DBM, sanan nan NDRRMC, kaiban an “information, education, and communication (IEC) campaign and information sharing between LGUs/communities and national government” na sakop nan LDRRMF.

Maong kaiban ang sector sa edukasyon sa mga gikinahanglan na suportahan sanan tagaan nan saktong pagtagad sa panahon nan panginahanglanon tungod kay kaiban nan goberno an mga eskwelahan sa pagsiguro nan marajaw na impormasyon kabahin sa pagpangandam sanan pagresponde kun may mga emergency.

Waya pay komento si Governor Lyndon Barbers kabahin niining gipasaka nga kaso sa iya mismong Chief of Staff.