5K - Hinabang sa mga Mag-uuma
Rice Farmer Financial Assistance o (RFFA) usa ka programa sa National Government pinaagi sa Department of Agriculture. Kini nga programa gi mando ni kanhi Pres. Rodrigo Roa Duterte niadtong November 2019, ug karon gipadayon sa administrasyon ni Pres. Bongbong Marcos.
Ang katuyuan niini mao ang pag hatag ug hinabang financial ngadto sa mga mag-uuma nga apektado sa panahon sa crisis ug mga kalamidad. Daghan na nga mga mag-uuma sa nagka lain-lain nga Probinsya sa atong Nasud ang naka benepisyo niini sama dinhi sa Surigao del Norte.
Ang pondo niini gikan sa National nga Panggamhanan o Rice Competitiveness Enhancement Fund (RCEF) ug dili sa LGU o sa Probinsya. Giila ang mga farmer beneficiaries gikan sa Municipal Agriculture Office dayon i submit ngadto Provincial Agriculture Office aron sa pag plastar ug dayon i duso ngadto sa DA-Regional Office aron pag aprobar ug pag andam sa pondo niini nga tag 5K matag mag-uuma.
Ang Department of Agriculture Regional Office ra usab ang mag release niini ngadto sa mga mag-uuma nga maka benipisyo.
