Gikan sa Cebu - Processed Meat Walay Dokumento
Surigao City – Sa miaging adlaw, Abril 4, 2023, taghold nan Surigao City og Provincial Anti-African Swine Fever (ASK) Task Force an isa ka Wing Van gikan Cebu na tagtuohan na jaoy mga karga na mga Pork Products na walay saktong dokumento maipakita.
Sa isa ka tip gikan sa Cebu na taghatag kay Dr. Allan Quines, napugngan an pagsuyod nan ini na mga suspetsadong undocumented pork products diri sa ato siyudad nan Surigao.
Handtod kuman padajon pa gihapon an pag-inspection sa mga Pork Products sa Wing Van. Ini na mga Pork Products tagtuohang dayhun unta sa Surigao City, Cabadbaran City sanan Butuan City.
An aktwal na paginspeksyon taglangkoban sa mga ASF Task force nan Bureau of Animal Industry, Dr. Cyril Lou Alburo, Dr. Chatnae Mula, Corinth Kim Cabulan, PPA Surigao, PPOIII Almira Olayvar, PPOII Donking Frederic Gonzalez, PPOI Edmar Senados, Provincial Veterinary, og City Veterinary Office nga tagpangulohan ni Dr. Allan Quines.
Matud pa ni City Veterinary Dr. Allan Quines “Amo gajud tagpangusgan na dili makasuyod diri sa ato an ASF labi na an gikan sa Cebu, na sa kuman jaon na an kaso sa ASF.”
