Good News—Siargao International Cruise, Hapit na!

Dako an kalipay ni Bagtik mo serbisyo Congressman Bingo Matugas sa balita na hapit na gajud ma kumpleto ang isa sa ija pangandoy na matukod sa ija pinayangga na Distrito nan Siargao.

International Cruise port ug International Cargo port na jaun nahimutang sa Brgy. Jubang, Dapa, Siargao sakop nan Surigao del Norte. Ini human tag bisitahan nan mga taga Philippine Ports Authority an amu na proyekto.

Tagsugdan ini sa ikaduhang termino ni Cong. Bingo Matugas adtun tuig 2019 ug 2020 pero na-delay an konstruksyon tungod sa pandemya nan COVID kon diin mahinumduman an mga budget sa nasyonal tag re-align para sa COVID response nan gobyerno ug naigo pa gajud nan bagyong Odette an Siargao.

Sa pagka kuman padajon an konstruksyon nan proyekto ug matud pa sa PPA jaun na 70% completion rate an Cruise port ug jaun na sab sa 60% completion an Cargo port.

Nagpasalamat si Cong. Bingo Matugas sa suporta nan National Government sa Liderato ni Pres. Bongbong Marcos ug Speaker Martin Romualdez pinaagi sa Philippine Ports Authority ug ija ini padajon na paningkamutan na mahatagan nan dugang pondo para ma 100% an katumanan sa ija pangandoy na proyekto.

Padajon Siargao sa progreso!