Local Income sa General Luna, Mi Ulbo
Pag plastar sa polisiya ug pamaagi sa Ease of Doing Business sa Administrasyon ni Mayor Sol F. Matugas dako an nahitabang sa pagtaas nan Local Income nan Munisipyo sa General Luna waya pa maapil niini ang Internal Revenue allotment (IRA).
Sa pamahayag na taghimo ni Atty. Zander Plaza, an LGU economic adviser sa taghimo na presscon ija tag pasabot na misaka nan 154.32% (8.22M) an kita gikan sa 1st quarter (3.23M) ug 52.36% sa 2nd quarter (5.40M).
Sa pag ingkod ni Mayor Sol Matugas, ija tagpakita sa mga business owners an marajaw na relasyon sa LGU ug negosyante. Naghimo sija nan pakigbayloay nan mga marajaw na ideya.
Ija sab tag improve an marajaw na pamaagi sa pag proseso nan mga business permits ug pag kolekta sa buhis para mas motaas an income ug maka hatag pa nan dugang kalambuan sa pagbangon nan Lungsod sa General Luna.
Dugang pa ni Atty. Plaza na pag abot sa 4th quarter sija nanghinaut na mas motaas pa ngadto sa 10M an collection sa naasoy nga Lungsod.
