MAIP ni Cong. Bingo Matugas daghan Surigaonon natabangan

Daghan ang nalipay ug nagpasalamat sa sa programa nga Medical Assistance to Indigent Patients ni Cong. Bingo Matugas.

Kung ato mahibal-an gi mugna ni Cong. Bingo kini nga programa aron mahatagan ug pagtabang ang iyang mga katawhan sa Distrito 1 Isla nan Siargao. Dili ikalimod ang kalisod sa mga katawhan labina panahon nga ma hospital. Daghan ang maguol ug mag problema asa ibayad sa hospital ug ipalit sa ilang tambal panahon nga naay masakit sa pamilya.

Mao kini ang nakita nga problema ni Cong. Bingo Matugas busa iya gihimo ang programang Medical Assistance program, kung diin pinaagi niini iyang mahatagan ug pag tabang ang iyang mga katawhan sa Siargao. Apan dili lamang ang iyang Distrito ang nakatagamtam niini kay bisan ang mga pasyente nga nag lisod sa hospital nga mga taga Distrito 2 o mga taga mainland naka sinati sa pagtabang sa Kongresista.

Daghan ang nagpasalamat nga mga pasyente sa District 2 nan Surigao nga bisan dili sili kung sakop ni Cong. Bingo Matugas wala sila balibare sa pagtabang. Mao kini nga mas gipalapdan pa sa Kongresista ang iyang programa Medical Assistance to Indigent Patients kung diin bisan ang dili niya sakop sa distrito pwede matabangan. Gipasalig ni Cong. Bingo Matugas nga iyang ilakip sa assistance ang mga pasyente nga anaa sa private hospitals diin iyang paningkamutan nga maka pangita pa ug dugang pondo alang sa pagtabang sa katawhan.

Mao kini ang gikalipay ug gipasalamatan sa mga katawhan hilabi na sa mga pasyente nga natabangan sila sa Kongresista sa ilang dako nga problema sa hospital bill, sa tambal ug bisan sa dunay gipang operahan. Ingon pa nila nga kung wala ang programa ni Cong. Bingo unsaon nalang nila pagpatambal nga wala man sila mahimo pagbayad sa hospital. Daghan ang nagpasalamat ug nag ampo nga magpadayon ang serbisyo ug pag amuma nga matinud-anon ni Cong. Bingo Matugas.