Pangandoy - Siargao Island Medical Center
Siargao Island – isa ka matahum, popular na lugar sa Surigao del Norte ug nahimong bantugan na destinasyon nan mga turista sa Pilipinas. Tagkilaya sa tibook kalibutan tungod karajaw nan kadagatan, baybajon ug hilabi na an tag bantog na surfing. Nagka lain-lain na mga nasyon an nahidangat sa isla. Pero bisan paman sa kailado ug ka bantog ini may kakuyangin sa pasilidad nan marajaw na hospital. Ini an isa sa mga problema na tagsugabang nan Isla an pag-atiman para sa maayong panglawas. Nahimo ini na hagit sa mga lideres nan Probinsya sa Surigao an pag tubag sa panginahanglan sa katawhan na mga masakiton.
Apan kini aduna nay kasolbaran pinaagi sa isa ka bag-o na pasilidad kon diin sigurado na an marajaw na pag atiman sa mga pasyente ug mga disgrasya. An pangandoy nan mga local ug turista na mga nagpuyo sa Siargao jaun nay katuman. Hospital na bag-o, limpyo, ug kumpleto sa mga bag-o na ekipo ug mga Doctor.
Siargao Island Medical Center! Dugay na tag handum nan mga katawhan kuman natuman ug itukod na.
Sa paningkamot ni Cong. Bingo Matugas an Kongresista nan Distrito sa Siargao na mapasar an balaudnon sa Kongreso ug nahipasa ngadto sa Senado na tag suportahan ni Sen. Bong Go na mag utro sa kanhi Dapa district hospital na tag dumaya nan probinsya ngadto sa pagdumaya sa Nasyonal. Napasar ug napirmahan ni kanhi Pres. Digong Duterte an baludnon RA11500. Ini an balaudnon na naghatag nan bag-o na kalambuan para sa mga Siargaonon hilabi na sa mga masakiton.
Niadtong Pebrero 16 pormal na tag abrehan an pultahan sa pagsugod pag trabaho sa Siargao Island Medical Center.
Nahidangat si House Speaker Martin Romualdez ug an Presidential Son Vinnie Marcos kaiban isab sila Majority Leader Mannix Dalipe ug Deputy Speaker Duke Frasco para sa ground breaking nan amu na hospital.
Isa ka halandumon ug malipayon na adlaw an tagbati nan Bagtik mo serbisyo na Congressman Bingo Matugas ug mga Siargaonon tungod sa dakong grasya na nuabot sa ila isla. Hospital! Isa ka pasilidad kon diin motubag sa ila panginahanglan sa maayong panglawas. Isa ka pasilidad nga gipangita sa mga turista ug usahay nag tukyod sa uban nga tamayon ang isla kay walay hospital.
Kuman kaiban an tibook pamilya sa Matugas ug tanan katawhan nan Siargao Island dako an ila pagpasalamat kan Bingo Matugas kay an 2nd level hospital itukod na. Nagkantidad nan 380-million pesos na tag alokar nan national government para matukod na an tagpaabot na Siargao Island Medical Center (SIMC). Dili na maglisod, dili na mag antos an mga Siargaonon mag hatud nan ila pasyente na hilabi na kon magdaut an panahon, dagko na bayod ug way ika plite sa lantsa. Ugsa tagbati nan dako na kalipay sa ila mga kasingkasing an mga Siargaonon kay an pangandoy natuman na.
Salamat sa mga nag suporta sa katuman – Siargao Island Medical Center.
