PPA Naginspeksyon sa Siargao Cruise Terminal
Tagpangunahan ni Philippine Ports Authority (PPA) General Manager Jay Santiago an pag inspeksyon sa nagkalai-lain na pantalan ug mga proyekto sa probinsya nan Surigao Del Norte isip pagpangandam sa mosunod na peak season ug sa padajon na pagkusog nan ekonomiya sa nasud.
Tagpangandaman an pag abre sa turismo nan pinaka una na cruise terminal sa Pilipinas na makita sa Barangay Jubang, Dapa, Siargao del Norte ug ilhon isip Siargao Cruise Terminal sa Oktubre kuman tuiga, kun diin jaun na sa 72% ang completion rate nan ini.
Subay isab sa pagdagsang nan mga kargamento sa Siargao, jaun sab sa 60% an completion rate nan taghimo isab sa Jubang na Cargo Terminal na puhon matapos sa Pebrero 2024.
Naghimo sab nan pag inspeksyon si GM Jay Santiago sa Dapa Port na kuman modawat nan may 700-750 ka pasahero ug 800-900 ka pasahero isab panahon nan peak season sama sa Semana Santa.
Nakigtigum si GM Santiago kan General Luna Mayor Sol Matugas para isab sa inspeksyon na taghimo o pag repair nan General Luna Port kon diin na guba nan Super Typhoon Odette.
