Public Market - Natuman nga Saad

Sa miagi na election nahimong kampanya sa linya ni Engr. Paul Dumlao ug Atty. Pons Casurra na ipabilin ang tyangehan sa iyang nahimutangan ug kini public market gihapon, dili mamahimong private.

Kon mahinumduman naay public private partnership kini nga pag trabaho sa merkado nga pagadumalahon sa Primemark ug kini dapat na i demolish aron masugdan ang pag trabaho sa bag-o nga tyangihan. Apan tungod sa kadaugan sa miagi nga election kini gipugngan nila Mayor Paul Dumlao ug Vice Mayor Pons Casurra sa pag guba kay ilang istoryahon ang PrimeMark.

Human sa pipila ka bulan gikan sa ilang saad ang mga namaligya sa merkaduhan karon nangutana kung kanus-a pa trabahuon ang merkado?

Matud pa sa usa ka namaligya nga nahadlok na siya sa ilang kahimtang kay basin mahulogan siya sa mga puthaw imabaw sa iyang nahimutangan. Nag antos siya sa kakuyaw ug kahadlok. Gusto niya nga ayuhon ang iyang pwesto apan dili niya mahimo kay wala siya mahibalo anus-a mag sugod ang pag trabaho kung usbob ang naasoy nga merkaduhan.

Human sa 100 days report ni Mayor Dumlao hangtud karon nga ting-uwan na usab nagpabilin nga maantuson ang mga market vendors ug nag handum kanus-a matuman ang saad o mao naba kini ilang sitwasyon, ang katuman sa saad sa miagi nga election.