Surigao Digital News 2Nagkaduol na ang adlaw sa pag-abli sa pinakagihuwat nga Siargao International Cruise Port sa Brgy. Jubang sa lungsod sa Dapa, diin gikumpirma sa Philippine Ports Authority nga 98% completed na ang maong establisimyento.
Kini pormal nga gianunsyo ni Surigao del Norte District 1 Congressman Bingo Matugas sa gipahigayon nga Cruise Tourism Development Meeting sa Pastoral Center sa General Luna, ang pinakaunang panagtapok isip parte sa preparasyon para sa umaabot nga inagurasyon sa maong cruise port.
Sa maong meeting nga gipaapilan tourism prime movers, tourism representatives gikan sa nagkalain lain nga munsipyo sa isla, stakeholders, mga opisyales sa gobyerno gikan sa Department of Tourism, Department of Public Works and Highways, Philippine Ports Authority, mga key people na responsible sa pagkatukod nan cruise port, nahisgutan pud ang mga lakang nga sundon para sa sustainable tourism development.
Sa pag-abli sa International Cruise Port nagdugang og laing dimensyon sa talan-awon sa turismo sa Siargao. Isip bugtong nga pantalan alang sa mga cruise ship sa Pilipinas, ang pagkompleto niini nagpasabot sa usa ka mahinungdanong milestone para sa isla. Sa pagpaabot sa pagdagsa sa mga turistang mag-cruise, ang mga local government units aktibong nangandam sa paghatag og world-class nga mga kalingawan ug mga serbisyo, nga nagpalig-on pa sa reputasyon sa Siargao isip usa ka nag-unang destinasyon sa pagbiyahe.
Matud pa ni Cong. Matugas, tourism center nalang ang gihuwat nga mahuman og maandam na ang cruise port sa inagurasyon puhon nga pangunahan ni President Bongbong Marcos.
surigaodigitalnews