Siargao surfers giduminar ang kumpetisyon sa Dinagat

Mga Professional nga surfers gikan sa Gen. Luna, Siargao Island, Surigao del Norte mipakita sa ilang madaugon nga porma human nila gi dominar ang 1st Mayor Dondon Longos Harok sa Tagbi Open Surfing Competition sa Cagdianao, Dinagat Islands niadtong Nov. 10 hangtud 13 ning tuiga.

Nakuha ni Piso Alcala ang titulo sa men’s shortboard division, iyang gipildi ang local surfers nga gikan sa Probinsya nan Dinagat Islands.

Ang mga Siargao surfers usab mikuha sa mga dagkong papremyo sa men’s division sama ni Benjomar Canon nga midaug isip first runner-up, Ben Arjona nakuha ang second runner-up, ug si Ivan Nogalo nakuha isip third runner-up.

Gi dominar usab sa mga kababainhan nga gikan gihapon sa surfing capital nan ato nasud ang kadaugan sa women’s division kauban sila Sheila Mae Convicto isip kampyon ug ang mga kaubanan niini nga sila Sheila Mae Arjona ug Susan Escanilla isip second runner-up ug ikatuling ganti.

Sila Alcala ug Convicto midawat sa kantidad nga PHP15,000 matag usa isip ilang kadaugan sa kampyonato.

Sa pamahayag ni Gen. Luna Mayor Sol Matugas sija mapasalamaton sa nahimong kumpetisyon nga nagmalampuson ang mga local na surfers nan ija lungsod.
“Ang mga nag lantaw ug mga partisipante parehas nga nahimuot sa kalipay nga gipakita gayud sa mga taga General Luna surfers ang pagpamatuod sa ilang katakus pag-abot sa surfing” matud pa ni Matugas.”

Iya usab gisiguro sa mga surfers ang padayon nga suporta ngadto kanila gikan sa local nga panggamhanan samtang sila magpadayon sa pagpangharos sa nagkalain-laing kumpetisyon sa nasud.